價錢某程度上是反應一件貨物的價值，明星身價，就是反應一個明星的價值，即是物化一個人。當然明星愈紅身價愈高，號召力亦愈高。但是，商業的世界就不同了， 價錢除了反應商品的價錢，還表現服務態度、質素。定價愈高，不一定與質素成正比哦！所以以此邏輯，貴不一定好，便宜也不一定差。一些名不經傳的藝人可能是 最「最好戲」。傳聞有激光脫毛公司以昂貴的代言人廣告費用轉嫁到消費者身上？！這是否醫學美容界的生態？cctvb的電視生態，就是人紅show價高。
花旦身價大執位 女神香香苟姑娘揮低法拉
隨住吸金后佘詩曼離巢，花旦買少見少，為開拓財源，無綫近年積極捧二線女藝人上位。本刊日前收到一份絕密騷價表，不但發現藝人騷價比去年大幅調升，排位亦大不同。
兩大高登女神岑麗香和苟芸慧的騷價，竟然比入行七年的陳法拉還要高，起錶價 6萬，酬金直逼一姐胡杏兒和徐子珊。而香香加幅更驚人，年初騷價唔夠一萬，但自九月開始，竟彈跳五倍。雖然女神身價揦脷，但依然有價有市，近月二人幾乎日 日見報。由九月至今，香香和苟姑娘攜手已賺近三百萬，難怪二人異口同聲說：「距離買樓目標愈嚟愈近！」
臨近聖誕，香香和苟姑娘經常孖住出席活動。據知，吸水孖寶一同亮相的話，原來每人額外會多 2萬酬金，難怪苟姑娘同記者講唔介意俾香香搶風頭。
香香
升 500﹪
騷價 6萬（去年騷價 1萬）
苟姑娘
升 100﹪
騷價 6萬（去年騷價 3萬）
藝人身價向來保密，不過本刊近日接觸過幾個廣告客戶，獲得一份最新當紅花旦小生的內部騷價清單。知情人透露：「TVB通常年尾出定下年 嘅騷價表俾班相熟客戶，不過今年九月尾已經出咗。見到有藝人嘅價升得好誇張。」據知，無綫今年忽然提早出騷價表，原因是眼見死對頭王維基的香港電視隨時獲 發牌，在惡性競爭下，旗下藝員身價隨時被拖低，因此趁對手仍未攞牌前，盡地一煲賺番夠本。
香香價勁升五倍
據該份騷價表顯示，已離開無綫的佘詩曼持續高企，收 15萬一個活動，冠絕無綫眾花旦。至於去年成為雙料視后的胡杏兒，亦由攞獎前的 7萬騷價，跳升至 10萬一個活動。而排第三則是視后大熱徐子珊，由去年 4萬躍升至 7萬，升幅驚人。但最估唔到只憑一個「高登女神」牌頭的岑麗香和苟芸慧，近日騷價竟瘋狂跳升至 6萬蚊，比「 Neway大少奶」陳法拉還要高 5千。據知情者透露：「無綫近年策略係喺班華姐、港姐中揀幾個有潛質嘅出嚟拍劇，等佢哋有知名度可以叫高啲價。好似苟姑娘舊年拍完《情人眼裏高一 D》後，騷價已經有 3萬，比以往華姐高幾倍。至於香香就更加誇張，年初未有劇前，騷價唔夠 1萬，點知八月尾《爸不得媽媽》出街，佢個價竟然升到 6萬一場。」雖然升幅嚇人，但苟姑娘和香香公主出親騷都會自動波少布拋胸，因此仍有唔少客戶落疊。單以九月起計短短三個月，苟姑娘已出席 36個活動，其間更接拍了電盈和妙蓮眼藥水廣告，至於香香更誇張，三個月內已出席 40個活動，扣除了無綫抽佣，香香公主和苟姑娘分別穩袋近 150萬。
識做冧高層
上周五（ 7日），苟姑娘出席完活動後，即向現場公關和客戶高層逐個揮手講 bye bye，難怪長做長有。
賀歲孖寶
香香同苟姑娘接騷接到冇停手，更有份參與賀歲片《2012我愛 HK喜上加囍》及《勁抽福祿壽》的演出，狂谷人氣。
現時岑麗香仍住在無綫安排給她的將軍澳中心寓所，近日頻頻出騷的她，揚言買樓目標是同區 400萬的單位。
法拉黑面趕客
本來陳法拉有樣有身材，即使早年傳她已嫁人做薛家新抱，過往兩年依然是廣告商的寵兒，但後來每次工作她都要求多多，嚇走不少客戶。知情人透露：「好 多人想搵佢同二少奶諸葛紫岐同場出騷，不過無論個客出幾多錢佢都唔肯，加上佢唔鍾意同o靚模同場，客戶選擇又少咗。早排佢出席活動，試過黑面對啲記者，乜 都話唔答。之後又鬧公關安排差，人哋仲點敢搵你。」由於麻煩兼腌尖腥悶，根據資料顯示，法拉由去年下半年接 20個商場騷，大幅回落至今年只得 5個。
而去年陳法拉分別接拍資生堂、reebok運動系列和 OTO按摩椅廣告，但今年居然一個都冇。至於去年是華麗園食品代言人的她，今年亦被師妹朱晨麗取代。因此即使其騷價較去年僅微升 5千，但乏人問津下，法拉今年收入較去年大跌。
苟姑娘：日日有嘢做
憑《爸不得媽媽》蘇基一角彈出的古明華，以往騷價表根本未入流，但最新價目表顯示，他一個騷收 1萬 5千元，都算係守得雲開囉！
上周六（ 8日），記者就騷價急升分別問過苟芸慧及岑麗香。苟芸慧淡定表示：「其實我仲未知實際賺咗幾多錢，但聽經理人講都唔錯呀。依家我日日起身都有嘢做。最近我趕緊拍《情逆三世緣》，多謝劇組俾我出去搵錢，亦多謝客戶肯俾機會我，搵我出騷，等我可以快啲買到樓。」
至於岑麗香則尷尬地說：「哈哈哈！有得做嘢就好開心，我唔計較搵幾多錢嘅。」講到買樓，她就漏口風表示：「我一直都想買樓，依家距離近咗好多，應該好快儲到筆首期。」
騷價升
升 25﹪
騷價 15萬（去年騷價 12萬）
佘詩曼在中港兩地知名度高，自去年尾決定離巢北上發展後，其騷價竟然再創高峰。
沒有留言:
張貼留言